Մեր գործը սուրճն է
Քսան տարի՝ սուրճի հետ
Քսան տարի մեր օրերը լցված էին սփեշլթի սուրճով՝ հատիկներով, բովմամբ, սրճարանի եռուզեռով ու մշտական հյուրերով։ Հետո ստեղծեցինք մի համակարգ, որը նույն սուրճը հասանելի է դարձնում սրճարանի պատերից դուրս՝ պահպանելով այն ամենը, ինչի համար մարդիկ գալիս էին մեզ մոտ։
Վարպետություն
Ամեն ինչ սկսվում է սեղանից
Սուրճի համը սկսվում է հատիկից․ որտեղ է այն աճել, ինչպես է մշակվել, ինչ է բացահայտել բովումը, և ինչպես է ջուրը փոխել արդյունքը։ Քսան տարի ուսումնասիրել ենք այդ կապերը՝ մեր սրճարաններում փորձարկելով, համտեսելով ու կատարելագործելով ամեն բաժակը։
Հենց այնտեղ էլ տեսանք, թե որքան հեշտ է կորցնել այդ որակը։ Նույն հատիկները, նույն սարքը, բայց արդեն երեքշաբթի է, ոչ թե երկուշաբթի, ու բաժակում պարզապես սովորական սուրճ է։ Ամեն ինչ կախված էր մարդուց ու ճիշտ պահին նրա ուշադրությունից։ Մենք ուզում էինք, որ հիանալի սուրճը հազվադեպ հաջողություն չլինի, այլ ստացվի ամեն անգամ։
Հարցին նոր կողմից մոտեցանք
Լավ սուրճի հետևից պետք էր գնալ։ Մենք որոշեցինք այն բերել ձեզ մոտ։
Սուրճի ավտոմատացման փորձերը հիմնականում ուղղված էին էսպրեսոյին՝ ըմպելիքի, որն առանց բարիստայի ոչ մի սարք ճիշտ չի պատրաստում։ Իսկ սուրճի գիտակների գնահատած բաժակը՝ աճուրդային հատիկներից դանդաղ պատրաստվող պուրովերը, շարունակում էր մնալ բարիստայի գործը։ Մենք ինքնաշխատ դարձրինք հենց այդ պատրաստման եղանակը։ Կույր համտեսների ժամանակ մեր սուրճը չի զիջում նույն հատիկներից ձեռքով պատրաստված սուրճին։
Մնում է սյունը՝ պատին ամրացված, մարտկոցով աշխատող ու անաղմուկ։ Աճուրդային լոտի սուրճ՝ երեսուն վայրկյանում։ Սրճարանը չփոքրացավ։ Այն անհետացավ։
Մեկ ամբողջություն
Սարքն ու սուրճը
Մենք ստեղծում ենք ամբողջ համակարգը՝ սյան էլեկտրոնիկայից մինչև սուրճի բաղադրատոմսը։ Այդպես կարող ենք որակի մասին հոգալ ամեն փուլում։
Սյունը
Ամրանում է պատին, աշխատում մարտկոցով ու սուրճ պատրաստում անաղմուկ։ Ներսի էլեկտրոնիկան էլ ենք մենք նախագծել։
Ծրագրերը
Սյան աշխատանքը կառավարող ծրագիրը, հյուրերի ու թիմի հավելվածները, վճարման և ցանցի սպասարկման գործիքները մեր թիմն է մշակում։
Սուրճը
Աճուրդային լոտերն ընտրում ենք ինքներս ու յուրաքանչյուրի համար գտնում պատրաստման ճիշտ եղանակը։ Նույն բաղադրատոմսն ու որակի նույն չափանիշը՝ յուրաքանչյուր սյան ու գործընկերոջ համար։
Քսան տարվա փորձ՝ մեկ սյան մեջ։
Երբ դեռ անուն էլ չկար
Առաջին բաժակները
Առաջին սուրճը մեզ համար էինք պատրաստում՝ սովորական սեղանի շուրջ։ Հետո հայտնվեցին ծրագրերը, սյուների ցանցն ու հավելվածները։ Դրանց նպատակը նույնն էր՝ այդպիսի սուրճ հասցնել ավելի շատ մարդկանց։
Հիանալի սուրճ՝ ամենուր
Աճուրդային լոտերի սուրճ՝ երեսուն վայրկյանում, առանց հերթի։ Ձեր շենքում, մարզասրահում կամ նախասրահում։