ᲐᲥᲪᲘᲘᲡ ᲬᲔᲡᲔᲑᲘ

ახალი მომხმარებლებისთვის უფასო ყავა ერთიანი გლობალური შეთავაზებაა. ეს წესები ვრცელდება ყველა რეგისტრირებულ ანგარიშზე, რომელიც შეთავაზების პირობებს აკმაყოფილებს. თითოეული ბაზრის ორგანიზატორი მითითებულია დოკუმენტის ბოლოს, ქვეყნების მიხედვით მოქმედ დებულებებში. იქვე განმარტებულია, რა შემთხვევაში ვრცელდება თითოეული ქვეყნის დებულებები. ისინი ავსებს ამ წესებს და იმ საკითხებში, რომლებსაც არეგულირებს, უპირატესი ძალა აქვს.

1. უფასო ყავა ახალი მომხმარებლებისთვის („პირველი 3 ყავა უფასოდ“)

1.1 შეთავაზების არსი

1.1.1 ეს არის მუდმივმოქმედი კომერციული შეთავაზება და არა კონკურსი, გათამაშება, ლატარია ან საპრიზო აქცია. მასში შემთხვევითობის ელემენტი არ მონაწილეობს: ყველა ახალ რეგისტრირებულ ანგარიშს, რომელიც პირობებს აკმაყოფილებს, ერთი და იგივე შეთავაზება ეკუთვნის.

1.1.2 შეთავაზება მოიცავს 3 ჭიქა იმ ყავას, რომელიც HEYLIM-ის სვეტებშია ჩატვირთული. მისი გამოყენება შესაძლებელია მხოლოდ HEYLIM-ის მობილური აპლიკაციით, რეგისტრაციიდან 30 დღის განმავლობაში.

1.1.3 შეთავაზება არ მოქმედებს ვებსაიტის „სწრაფი ყიდვის“ ფუნქციით სარგებლობისას, რომელიც ანგარიშს არ საჭიროებს. შეთავაზებით სარგებლობის უფლება ფულზე არ იცვლება და სხვა პირს არ გადაეცემა.

1.1.4 თითოეულ პირს შეთავაზებით სარგებლობა ერთხელ შეუძლია: უფლება ენიჭება რეგისტრირებულ ანგარიშს, ხოლო თითოეული ანგარიში იდენტიფიცირდება ერთი მობილური ტელეფონის ნომრით და მხოლოდ მას უკავშირდება. ერთი და იმავე პირის მიერ დამატებითი ანგარიშების შექმნა დამატებითი უფასო ყავის უფლებას არ წარმოშობს.

1.1.5 სასმელის რეალური გარეგნობა შეიძლება აპლიკაციაში ნაჩვენები გამოსახულებისგან განსხვავდებოდეს. პროდუქტისა და ფასის შესახებ სრული ინფორმაცია ხელმისაწვდომია HEYLIM-ის მობილურ აპლიკაციაში.

1.2 შეთავაზების გამოყენება

1.2.1 შეთავაზება ავტომატურად ვრცელდება რეგისტრირებული ანგარიშიდან განთავსებულ იმ შეკვეთებზე, რომლებიც პირობებს აკმაყოფილებს.

1.3 ბოროტად გამოყენება

1.3.1 ბოროტად გამოყენების აღმოჩენისას შეგვიძლია უარი გითხრათ შეთავაზებით სარგებლობაზე, გავაუქმოთ გამოუყენებელი უფასო ყავა ან დავხუროთ ანგარიში. ბოროტად გამოყენება მოიცავს დამატებითი ყავის მისაღებად რამდენიმე ანგარიშის შექმნას, გადაყიდვას ან შეთავაზების სხვა არამიზნობრივ გამოყენებას.

1.4 ცვლილებები

1.4.1 შეგვიძლია ნებისმიერ დროს შევცვალოთ შეთავაზება ან შევწყვიტოთ ის ახალი ანგარიშებისთვის. შეთავაზების შეწყვეტის შესახებ ვაცხადებთ HEYLIM-ის აპლიკაციაში. პირობების დამაკმაყოფილებელი ანგარიშისთვის ცვლილებამდე უკვე მინიჭებული უფასო ყავის მიღების უფლება ძალაში რჩება და ამ შეთავაზებას კვლავ შევასრულებთ.